Ma quanto torno a Padova...*

Roma, Londra, Tokyo, Singapore,
tutti posti che me ga incantà...
Ma na spina mi go sempre in core,
quando sò che son lontan da qua...
ogni sera vardo e fisso el cieo
ea luna me soride
ma mi nol par gnanca tanto beo
perchè nol somigia a questo qua

... ma quando torno a Padova,
me sento a casa mia,
No go mainconia,
e tutto me va ben...
Camino soto i porteghi,
de cuà e deà me incanto,
e cupoe del Santo,
fa ciaro a sta sità...
Ritrovo tutti i popoi,
davanti a sta basiica
chi che ga visto Padova
no poe scordarla più...

Tuto el mondo i dise el xe eo stesso
rente i monti come rente el mar
ma tanto na volta come adesso
co so via mi vojo ritornar
serco dapartuto el to viseto
serco e to caresse dee to man
questo xe un amore benedeto
perchè el xe un amore padovan

... ma quando torno a Padova,
me sento a casa mia,
No go mainconia,
e tutto me va ben...
Camino soto i porteghi,
de cuà e deà me incanto,
e cupoe del Santo,
fa ciaro a sta sità...
Ritrovo tutti i popoi,
davanti a sta basiica
chi che ga visto Padova
no poe scordarla più...

*Non so cosa significhi tutto ciò. Forse è tutta colpa dei litri di spritz bevuti questa sera al Portello, più il gran finale di una terrificante pizza tonnocipolle alla "Pizzeria al Porteo" (naturalmente con birramedialemoncellocaffè). Buonanotte...